ថ្ងៃនេះសហរដ្ឋអាមេរិកបង្ហោះសារថ្មីមួយទៀត តើសហរដ្ឋអាមេរិកធ្វើអ្វីខ្លះនៅកម្ពុជា?

         ភ្នំពេញ៖បន្ទាប់ពីរដ្ឋាភិបាលលោកហ៊ុន សែនបានចោទប្រកាន់ថាសហរដ្ឋអាមេរិកជាអ្នកនៅពីក្រោយអំពើក្បត់ជាតិលោកគឹម សុខា ដែលមហាជនខ្មែររាប់លាននាក់ និងមតិជាតិ-អន្តរជាតិស្ទើរពេញពិភពលោកមើលឃើញថា នេះគ្រាន់តែជាល្បិចនយោបាយរបស់លោកហ៊ុន សែន ក្នុងការកំចាត់ដៃគូប្រជែងដ៏ខ្លាំងក្លានៅមុនពេលកាលបោះឆ្នោតមកដល់។
         នៅក្នុងករណីចោទរដ្ឋាភិបាលអាមេរិកនេះផងដែរ ស្ថានទូតអាមេរិកប្រចាំនៅកម្ពុជាបានធ្វើសន្និសិទកាសែត ដោយបាននិយាយថារដ្ឋាភិបាលលោកហ៊ុន សែនចោទប្រកាន់អាមេរិកដោយគ្មានភស្តុតាង និងគ្រាន់តែជាកាលាបពណ៍ ហើយអសីលធម៌ក្នុងការប្រើភាសាកាទូតរវាងប្រទេសជាមិត្តនឹងគ្នា។
           ចំណែក្នុងពេលព្រឹកថ្ងៃព្រហស្បត៍ទី ១៤ ខែកញ្ញា ឆ្នាំ២០១៧នេះផងដែរ ស្ថានទូតអាមេរិក តាមរយៈគេហទំព័រ និង Page ផ្ទាល់របស់ស្ថានទូតប្រចាំនៅកម្ពុជា បានបង្ហោះសារថ្មីមួយទៀត ដែលបានលើកជាសំនួរថា៖  តើសហរដ្ឋអាមេរិកធ្វើអ្វីខ្លះនៅកម្ពុជា? នៅក្នុងឃ្លាបន្តមួយទៀតអាមេរិកនិយាយពីការជួយកម្ពុជាខាងផ្នែកបច្ចេកវិទ្យាដល់ព្រជាពលរដ្ឋរាប់លាននាក់
និងរដ្ឋាភិបាលលោកហ៊ុន សែនផង។ សូមអានអត្ថបទដែលស្ថានទូតអាមេរិកបង្ហោះនៅក្នុងថ្ងៃនេះដូចខាងក្រោម៖

 យើងជួយកម្ពុជាក្នុងការទាញយកប្រយោជន៍ពីបច្ចេកវិទ្យា!

What does the United States do in #Cambodia? We help Cambodians take advantage of technology!

យើងជួយអ្នកបង្កើតកម្មវិធីវ័យក្មេង កម្ពុជាដែលឆ្លាត ហើយដែលបានបង្កើត Khmer Smart Keyboard ។ ដោយសារការជួយរបស់យើងនេះ អ្នកប្រើទូរស័ព្ទដៃទំនើបនៅកម្ពុជាចំនួនជាងមួយលាននាក់ ពេលនេះ អាចធ្វើការទាក់ទងគ្នាបានលឿន ជាភាសាខ្មែរ។ កម្មវិធីនេះបានផ្លាស់ប្តូររបៀបធ្វើការនិងការទំនាក់ទំនងគ្នារបស់ប្រជាជនកម្ពុជា! សូមមើល Khmer Smart Keyboard សំរាប់ទូរស័ព្ទ Apple ដោយចូលក្នុង goo.gl/x3sk1n និងចូលមើលក្នុង goo.gl/RkFWxf សំរាប់ទូរស័ព្ទប្រើកម្មវិធី Android ។
We supported the young, sharp Cambodian developers who created the Khmer Smart Keyboard. Because of this, over 1 million Cambodian smart phone users can now communicate more rapidly with each other in their own language! This app has changed the way Cambodians work and interact with each other! Check out the Khmer Smart Keyboard for Apple here goo.gl/x3sk1n and for Android here goo.gl/RkFWxf.
#whywearehereKH